ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

კახეთში, სოფელ კაჭრეთში მომხდარ ავტოავარიას 2 ადამიანი ემსხვერპლა. შემთხვევა დღეს, პირველ იანვარს მოხდა.

შსს-ს ინფორმაციით, მიკროავტობუსი სოფლის შიდა გზაზე მოძრაობდა, რა დროსაც მძღოლმა საჭე ვერ დაიმორჩილა და განათების ბოძსა და ღობეს შეეჯახა. შეჯახებისას გარდაიცვალა იქ მყოფი ორი გოგო, მათ შორის, ერთი არასრულწლოვანი. კიდევ ორი დაშავებული საავადმყოფოში გადაიყვანეს.

მომხდარზე გამოძიებაა დაწყებული სსკ-ის 276-ე მუხლის მეექვსე ნაწილით. ეს გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.