ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

გერმანიის ქალაქ შტუტგარტში მიმდინარე მერსედესის თასზე ნიკოლოზ ბასილაშვილი უნგრელ მარტონ ფუჩოვიჩთან დამარცხდა და საერთაშორისო ტურნირს გამოეთიშა.

პირველი სეტი ბასილაშვილმა ტაიბრეიკზე მოიგო, თუმცა მეორე და მესამე სეტები უნგრელის გამარჯვებით დასრულდა – 7:6, 2:6, 5:7.

ნიკოლოზ ბასილაშვილი ტურნირზე მე-4 ნომრად იყო განთესილი და მეორე წრიდან ჩაერთო გათამაშებაში.

  • მერსედესის თასის საპრიზო ფონდი 679 015 ევროა და ის ATP-ს 250-იანი სერიის ტურნირია.
  • ტურნირში გამარჯვებული 250 სარეიტინგო ქულას და 117 050 ევროს მიიღებს.

ბასილაშვილი და ფუჩოვიჩი მიმდინარე წელს უკვე მეოთხედ შეხვდნენ ერთმანეთს, საიდანაც სამჯერ უნგრელმა ჩოგბურთელმა გაიმარჯვა. ქართველი ჩოგბურთელი მსოფლიო რეიტინგში მე-17 ადგილზეა, ხოლო მარტონ ფუჩოვიჩი- 50-ზე.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.