“გიორგი მარგველაშვილი აღმოსავლეთ პარტნიორობის სამიტში მონაწილე დელეგაციების ხელმძღვანელების სადილს დაესწრება, რომელზეც დაგეგმილია გიორგი მარგველაშვილის სიტყვით გამოსვლა.
ქვეყნის პირველი პირი დღესვე გამართავს ორმხრივ შეხვედრებს ევროპის საინვესტიციო ბანკის (EIB) პრეზიდენტთან ვერნერ ჰოიერთან, ევროპის ეკონომიკისა და სოციალური კომიტეტის (EESC) პრეზიდენტთან ჰენრი მალოსესთან, ლატვიის რესპუბლიკის პრეზიდენტთან ანდრის ბერზინშთან და ევროპის რეკონსტრუქციისა და განვითარების ბანკის (EBRD) პრეზიდენტთან სუმა ჩაკრაბარტისთან”, – ნათქვამია პრეზიდენტის ადმინისტრაციის განცხადებაში.

