მოთხოვნა თანასწორობაზე და პოლიციელების კორდონით შემოსაზღვრული 17 მაისის აქცია თბილისში [ფოტო/ვიდეო]

17  მაისს ჰომოფობიასა და ტრანსფობიასთან ბრძოლის დღის აღსანიშნავად აქტივისტები ორ ადგილას, მეტროსადგურების, “წერეთლისა” და “300 არაგველის” მიმდიბარე ტერიტირიაზე შეიკრიბნენ.

აქტივისტებმა არჩიეს, რომ დილის 9 საათზე წერეთლის მეტროსთან და “300 არაგველთან”, პოლიციის შენობის მიმდებარედ შეკრებილიყვნენ. ისინი რამდენიმე მიკტროავტობუსში გადანაწილდნენ. თითო მიკროავტობუსში აქტივისტებს თან ახლდა თითო კოორდინატორი, რომელიც პასუხისმგებლობას იღებდა იმაზე, რომ კანცელარიასთან მშვიდობით მისულიყვნენ და უკან დაბრუნებულიყნენ.

ორივე ადგილიდან დაძრული მიკროავტობუსების კოლონას წინ პატრული მიუძღოდა. პოლიციელებს კანცელარიის მიმდებარე ტერიტორია გადაკეტილი ჰქონდათ. ამ გადაკეტილ ტერიტორიაზე შეიყვანეს აქტივისტები. მათ კანცელარიის წინ, მოედანზე გაშალეს ტრანსპარანტები და აქცია გამართეს, რომელიც 10 სთ-ზე დაიწყო და 11 საათამდე გაგრძელდა, აქციის დამთავრების შემდეგ კვლავ პოლიციის თანხლებით, ყვითელი მიკროავტობუსებით გაიყვანეს გადაკეტილი ადგილიდან და სხვადასხვა ადგილზე დატოვეს.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.