ახალი წესები Facebook-ის მომხმარებლებისათვის

Facebook-ი “მომხმარებელთა წესების” განახლების შესახებ ოფიციალურ ანგარიშში იტყობინება. ფეისბუქი მომხმარებელს უფრო მეტი ინფორმაციით უზრუნველყოფს აკრძალული და დასაშვები მასალის შესახებ, რადგან ხშირია გაუგებრობა. მომხმარებელი არ იცნობს საიტის წესებს და ითხოვს ისეთი მასალის წაშლას, რაც რეალურად ფეისბუქის შიდა განაწესს არ ეწინააღმდეგება.

 

განახლებული სტანდარტები გამოყოფილად განმარტავს თემას “საეჭვო ორგანიზაციების” შესახებ. სოციალურ ქსელებს ტერორისტული ორგანიზაციებიც კი იყენებენ პროპაგანდისათვის, ამიტომ ფეისბუქს არ სურს რომელიმე მსგავსი ორგანიზაციის პლატფორმად იქცეს.

 

ანგარიშში დიდი ყურადღება ეთმობა სიშიშვლის თემას. იკრძალება ქალის მკერდის სრულად გამოჩენა. თუმცა დასაშვებია ძუძუთი კვების ამსახველი ვიზუალური მასალის გამოქვეყნება.

 

იკრძალება ბულინგის, ფიზიკური ძალადობის, მაზოხისმის ამსახველი ფოტო და ვიდეომასალის გამოქვეყნება; სიძულვილის ენის გამოყენება, კანონდამრღვევი მოქმედებების წასახილება.

 

ფეისბუქს სურს, რომ უზრუნველყოს გამაფრთხილებელი ბანერების განთავსება ფოტო-ვიდეომასალაზე. ამისათვის ავტორმა ან მომხმარებელმა თავად უნდა მიმართოს გვერდის ადმინისტრაციას და სთხოვოს ბანერი მასალისათვის.

 

გრაფიკული ძალადობის წინაშე ბრძოლას ფეისბუქის თავის ახალ გამოწვევად მიიჩნევს და სამომავლოდ მასალაზე კონტროლის კიდევ უფრო გამკაცრებას გეგმავს.

 

ფოტო :რეიტერი
ფოტო :რეიტერი

ნეტგაზეთის მასალების სხვა გამოცემებში გადაბეჭდვის წესი
გუკი გიუნაშვილი