პროექტი კომპანია Ocean Power Technologies–ის მიერაა შემუშავებული, დანადგარს PowerBuoy უწოდეს და ის ამჟამად საბოლოო შემოწმებას გადის.

კონსტრუქციის მთავარ ნაწილს, რომელიც ოკეანის ფსკერზე დაიდგმება, წარმოადგენს დგუში. ის ტალღების მეშვეობით იმოძრავებს და ელექტრო ენერგიას გამოიმუშავებს.

დანადგარი უკვე დაამონტაჟეს წყნარ ოკეანეში, აშშ–ს საზღვრიდან 4 კილომეტრის მოშორებით ჩრდილოეთის მიმართულებით. ამ ადგილზე ხშირია ქარიანი ამინდი, რის გამოც დიდი ტალღები წარმოიქმნება.

პროექტის ავტორების განცხადებით, თუკი დანადგარი გაამართლებს ამგვარი ელექტროსადგურების მშენებლობის ბუმი დაიწყება, რადგან დანადგარი საკმაოდ მარტივია და შეუძლია ძალიან ძლიერ შტორმს გაუძლოს. სწორედ ამიტომ მისი საშუალებით ბევრად უფრო ადვილად იქნება შესაძლებელი ენერგიის მოპოვება, ვიდრე აქამდე არსებული სხვა სახის ელექტრო სადგურების მეშვეობით.