დღეიდან საქართველოში მობილური ელექტრონული საკომუნიკაციო ქსელების ნუმერაცია შეიცვალა, 27 ივნისიდან კი ასევე შეიცვლება ”მაგთიფიქსისა” და ”სილქნეტის” უსადენო ფიქსირებული ტელეფონების ნუმერაცია.
აღნიშნული ცვლილება მთავრობის მიერ 2010 წლის 18 ნოემბრის #355 დადგენილების საფუძველზე ხორციელდება.
მობილურ სააბონენტო ნომერს პირველ ციფრად ემატება – 5. მაგალითად, სააბონენტო ნომერი 877-XX-XX-XX გახდება 577-XX-XX-XX. ფიქსირებული სატელეფონო ნომრებიდან, „სილქნეტის“, „ახტელის“ ან „მაგთიფიქსის“ , მობილურ ქსელში დასარეკად უნდა გამოვიყენოთ ციფრების შემდეგი კომბინაცია: 8-577- XX-XX-XX.
მობილურ ქსელებში სატელეფონო ზარის შესრულებისას ეროვნული პრეფიქსი – 8, აღარ იქნება საჭირო და „მაგთიკომის“, „ჯეოსელის“, და „მობიტელის“ აბონენტები ერთმანეთს ციფრების შემდეგი კომბინაციის აკრეფვის შედეგად დაუკავშირდებიან : 577-XX-XX-XX;
დამატებითი ინფორმაციისთვის აბონენტებს შეუძლიათ მიმართონ სატელეკომუნიკაციო საოპერატორო კომპანიების საინფორმაციო-საცნობარო სამსახურებს შემდეგ ნომრებზე :
”მაგთიკომის” აბონენტებმა ტელეფონებზე: (მაგთი, ბალი, ბანი და მაგთი ფიქსი) – 17-00-00; ქ. თბილისი – 217-00-00;
”ჯეოსელის” აბონენტებმა ტელეფონებზე: (ჯეოსელი და ლაი-ლაი)-7777; ქ. თბილისი – 277-01-77;
”ბილაინის” აბონენტებმა ტელეფონებზე: 0611; ქ. თბილისი – 220-06-11;
”სილქნეტის” აბონენტებმა ტელეფონებზე: ქ. თბილისი, საქართველოს ქალაქები და მუნიციპალიტეტების ადმინისტრაციული ცენტრები – 2-100-100;
”ახალი ქსელების” და ”ახტელის” აბონენტებმა ტელეფონებზე: ქ.თბილისი-275 -75-75; 213-13-13; ქქ. ქუთაისი, ზესტაფონი, ფოთი-22-00-00;
”საქართველოს ცენტრალური კავშირგაბმულობის კორპორაციის” აბონენტებმა ტელეფონზე: ქ.რუსთავი- 508.