16 იანვარს აზერბაიჯანში, მეტროსადგურთან ახლოს გაზეთ “რესპუბლიკის” მთავარი რედაქტორის 64 წლის მოადგილე საბირ მუსტაფაევი გარდაიცვალა. ინფრმაციას haqqin.az-ი ANS TV-ზე დაყრდნობით ავრცელებს.
გამოცემის ცნობით, ადგილზე პროკურატურის წარმომადგენლები, კრიმინალისტები, პოლიციის თანამშრომლები და გაზეთის მთავარი რედაქტორი მივიდნენ. ჟურნალისტის ცხედარი სამედიცინო ექსპერტიზაზეა გაგზავნილი. პირველადი ინფორმაციის თანახმად, მუსტაფაევი წაქცევით გამოწვეული მძიმე დარტყმისგან გარდაიცვალა.
დაღუპული ჟურნალისტის ძმა საჰავეტ მუსტაფაევი ამტკიცებს, რომ მისი ძმა ცემისგან გარდაიცვალა. მისი თქმით, საბირ მუსტაფაევს გაზეთის ერთ-ერთ თანამშრომელთან კონფლიქტი ჰქონდა.
