თაზო კუპრეიშვილი: როგორ მცემეს

თაზო კუპრეიშვილი, ნეტგაზეთის ჟურნალისტი: მე ნეტგაზეთის სხვა ჟურნალისტებთან ერთად ვიდექი მოსწავლე ახალგაზრდობის სასახლის კუთხეში და ჩიტაძის ქუჩიდან რუსთაველისკენ მომავალ სპეცრაზმს ვიღებდი. ამ დროს ქაშუეთის მხრიდანაც წამოვიდა სპეცრაზმი და იძულებული გავხდი თავისუფლების მოედნისკენ წავსულიყავი, თან ვიდეოკამერით ვიღებდი, ფოტოაპარატი კი კისერზე მქონდა ჩამოკიდებული.  სახეზე ქურთუკს ვიფარებდი, რომ რეზინის ტყვიები არ მომხვედროდა. ქაშუეთიდან და მეტრო თავისუფლებიდან მომავალ სპეცრაზმელებს შორის ადგილი სულ უფრო მცირდებოდა, იყო საშინელი კვამლი, გასაქცევი კი არსად არ იყო. მოახლოებულ სპეცრაზმელებს ვუყვიროდი, რომ ვარ ჟურნალისტი და გავეშვი, მაგრამ რამდენიმე მათგანი გინებით მომვარდა და ჯერ ფეხებში, მერე კი ზურგზე რეზინის ხელკეტების დარტყმა დამიწყო. ამ დროს ძირს დავვარდი და რამდნეჯერმე თავშიც მომხვდა რეზინის ხელჯოხი. ამ დროს ერთმა სპეცრაზმელმა ხელიდან ვიდეოკამერა გამომგლიჯა, მეორე კი ფოტოაპარატის წართმევას სცდილობდა.  პარალალელურად ვყვიროდი, რომ ვარ ჟურნალისტი და თავი დაენებებინათ. მოგვიანებით გამოჩნდა პოლიციელი და სპეცრაზმელებს ჩემი ცემა შეაწყვეტინა, წამომაყენა და ტერიტორიიდან გაყვანაში დამეხმარა. სპეცრაზმელებს შორის რომ გამოვდიოდი, რამდენიმე მათგანმა რეზინის ხელკეტი თავში ჩამარტყა, ისინი წიხლებსაც მირტყამდნენ. თავი ჯერ სასტუმრო “მერიოტს” შევაფარე, მოგვიანებით კი –მაღაზია „პოპულს“.