ნეტგაზეთი | დელისის მეტროსთან ხანდაზმული მამაკაცი გარდაიცვალა დელისის მეტროსთან ხანდაზმული მამაკაცი გარდაიცვალა – Netgazeti
Batumelebi | RU

დელისის მეტროსთან ხანდაზმული მამაკაცი გარდაიცვალა

დღეს, 4 იანვარს, თბილისში ხანდაზმული მამაკაცი გარდაიცვალა. მედიით გავრცელდა ინფორმაცია, რომ დელისის მეტროსთან მამაკაცი გაიყინა, თუმცა, როგორც ნეტგაზეთს შსს-ში განუცხადეს, ექსპერტიზის პირველადი მონაცემებით, ის ბუნებრივი სიკვდილით დაიღუპა.

“დილით მოხდა ეს ფაქტი. ხანდაზმული მამაკაცია გარდაცვლილი. სავარაუდოდ, ბუნებრივი სიკვდილით გარდაიცვალა, თუმცა ჩვენ ექსპერტიზა მაინც დავნიშნეთ. როგორც წესი, ასეთ შემთხვევებში გამოძიება მაინც იწყება ხოლმე. გამოძიება საქართველოს სისხლის სამართლის კოდექსის 115-ე მუხლით მიმდინარეობს. პირველადი მონაცემებით, არანაირი დაზიანება აღენიშნებოდა. სავარაუდოდ, მამაკაცს გულის პრობლემა ჰქონდა. საბოლოო პასუხი ექსპერტიზის დასრულების შემდეგ იქნება ცნობილი,” – აცხადებენ საქართველოს შინაგან საქმეთა სამინისტროში.

საქართველოს სისხლის სამართლის კოდექსის 115-ე მუხლი თვითმკვლელობამდე მიყვანას გულისხმობს და ისჯება თავისუფლების შეზღუდვით ვადით სამ წლამდე, ან თავისუფლების აღკვეთით ვადით ორიდან ოთხ წლამდე.

ნეტგაზეთის მასალების სხვა გამოცემებში გადაბეჭდვის წესი
ავტორი
გიორგი დიასამიძე არის ნეტგაზეთის რეპორტიორი 2014 წლიდან. აშუქებს საზოგადოებრივ-პოლიტიკურ თემებს, სპორტს და სხვა მიმდინარე მოვლენებს. ასევე, მუშაობს განათლების, ადამიანის უფლებებისა და სოციალურ საკითხებზე.