თბილისში მამაკაცი და მისი მცირეწლოვანი შვილი მოკლეს

თბილისში, ფერაძის ქუჩაზე მეზობლებმა ორი ადამიანის ცხედარი იპოვეს, რომელთაგან ერთი ბავშვია. როგორც ნეტგაზეთს შინაგან საქმეთა სამინისტროში განუცხადეს, გამოძიება სისხლის სამართლის კოდექსის 109-ე მუხლით [განზრახ მკვლელობა დამამძიმებელ გარემოებებში] მიმდინარეობს, რაც თავისუფლების აღკვეთას ვადით თექვსმეტიდან ოც წლამდე ან უვადო პატიმრობას ითვალისწინებს.

რუსთავი 2-ის ინფორმაციით, მოკლული მამა-შვილია. მამა 27 წლისაა, ხოლო ბავშვი – 5 წლის. მკვლელობასთან დაკავშირებით სხვა დეტალები უცნობია.

ნეტგაზეთის მასალების სხვა გამოცემებში გადაბეჭდვის წესი
ავტორი
დათო ქოქოშვილი არის ნეტგაზეთის რედაქტორი 2018 წლის 1 თებერვლიდან. მანამდე ის იყო ნეტგაზეთის რეპორტიორი 2013 წლიდან. Email: davit.qoqoshvili@gmail.com