ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

სომხეთის რესპუბლიკის პრემიერ-მინისტრმა ნიკოლ ფაშინიანმა რუსეთის ფედერაციის პრეზიდენტ ვლადიმირ პუტინთან სატელეფონო საუბარი გამართა. „არმენპრესის“ ცნობით, ამის შესახებ ინფორმაციას სომხეთის პრემიერ-მინისტრის აპარატი ავრცელებს.

“რუსეთის ლიდერმა სომხეთის პრემიერ-მინისტრს დაბადების დღე მიულოცა და საუკეთესო სურვილები გადასცა. ნიკოლ ფაშინიანმა ვლადიმირ პუტინს მილოცვისა და სატელეფონო ზარისთვის მადლობა გადაუხადა”.

ოფიციალური ცნობითვე, მხარეებმა განიხილეს მიმდინარე ორმხრივი და მრავალმხრივი დღის წესრიგის საკითხებიც.

“სომხეთის რესპუბლიკის პრემიერ-მინისტრმა რუსეთის პრეზიდენტს მადლობა გადაუხადა მეგობრული ტონალობის, მხარდაჭერისა და იმ რიგი საკამათო საკითხების მიმართ  ბალანსირებული პოზიციისთვის, რომლებიც აზრთა სხვადასხვაობას იწვევს. ლიდერები შეთანხმდნენ, რომ დისკუსიას უახლოეს მომავალში, პირისპირ შეხვედრის ფორმატში გააგრძელებენ”.

ულტიმატუმი სომხეთს – რეფერენდუმი ევროკავშირში გაწევრიანებაზე ან ЕАЭС-ში დარჩენაზე

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.