სომხეთის ЕАЭС-იდან დისტანცირების ფონზე და იმ ვითარებაში, როდესაც სომხეთის პრემიერ-მინისტრი ნიკოლ ფაშინიანი არ დაესწრო ასტანაში გამართულ ევრაზიის ეკონომიკური კავშირის ლიდერთა სხდომას, ევრაზიის ეკონომიკური კავშირის (ЕАЭС) წევრი ქვეყნების ლიდერებმა [ბელარუსის, ყაზახეთის, ყირგიზეთისა და რუსეთის პრეზიდენტები] სომხეთთან დაკავშირებით ერთობლივი განცხადება გაავრცელეს.
განცხადებაში აღნიშნულია, რომ სომხეთში უახლოეს შესაძლო ვადებში უნდა ჩატარდეს საყოველთაო რეფერენდუმი ევროკავშირში გაწევრიანების ან ევრაზიის ეკონომიკური კავშირის შემადგენლობაში დარჩენის შესახებ.
ისინი ასევე მიუთითებენ, რომ სომხეთის ევროკავშირში გაწევრიანების პროცესთან დაკავშირებული ქმედებები ქმნის ეკონომიკური უსაფრთხოების რისკებს ევრაზიის ეკონომიკური კავშირის წევრი ქვეყნებისთვის.
განცხადებაში აღნიშნულია:
„ვიზიარებთ პოზიციას იმის თაობაზე, რომ უახლოეს შესაძლო ვადებში სომხეთის რესპუბლიკაში უნდა ჩატარდეს საყოველთაო რეფერენდუმი ევროკავშირში გაწევრიანების ან ევრაზიის ეკონომიკური კავშირის შემადგენლობაში დარჩენის შესახებ.“
ასევე, დოკუმენტის მიხედვით, ევრაზიის მთავრობათაშორისი საბჭოს წევრები 2026 წლის დეკემბერში წარმოადგენენ ანგარიშს სომხეთთან დაკავშირებით ევრაზიის ეკონომიკური კავშირის შესახებ ხელშეკრულების შესაძლო შეჩერების შედეგების თაობაზე.