ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

ერევნის სამოქალაქო სასამართლომ წარმოებაში მიიღო სომხეთის პრემიერ-მინისტრ ნიკოლ ფაშინიანის სარჩელი ბლოკ „ძლიერი სომხეთის“ ლიდერის, სამველ კარაპეტიანის წინააღმდეგ. ინფორმაციას “არმენპრესი” ავრცელებს.

7 მაისს გამართულ პრესკონფერენციაზე სამველ კარაპეტიანმა განაცხადა, თითქოს ნიკოლ ფაშინიანმა ჩინეთიდან ჩამოიტანა ერთი ტონა ჰალუცინოგენური სოკო, რომელსაც გამოსვლების წინ მოიხმარს.

რუსი ოლიგარქი კარაპეტიანი: ფაშინიანი ჰალუცინოგენურ სოკოებს მოიხმარს

იმავე დღეს ნიკოლ ფაშინიანმა განაცხადა, რომ სამველ კარაპეტიანს სასამართლოში უჩივლებდა, ხოლო 14 მაისს გამართულ ბრიფინგზე თქვა, რომ სარჩელი უკვე წარდგენილია.

ნიკოლ ფაშინიანი სასამართლოსგან ითხოვს, დაავალდებულოს სამველ კარაპეტიანი საჯაროდ უარყოს თავისი განცხადება და გადაიხადოს 6 მილიონი დრამი, როგორც ცილისწამებით მიყენებული არამატერიალური ზიანის კომპენსაცია.

 

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.