ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

საქართველოს საგარეო საქმეთა სამინისტროს ინფორმაციით, დღეს, 6 მაისს, უკრაინული მხარის ინიციატივით, გაიმართა მაკა ბოჭორიშვილის სატელეფონო საუბარი უკრაინის საგარეო საქმეთა მინისტრ ანდრი სიბიჰასთან.

„საუბრისას განხილულ იქნა საქართველოსა და უკრაინის ურთიერთობები, ხაზი გაესვა დიალოგის მნიშვნელობას და ამ მიმართულებით შემდგომ ნაბიჯებს“, — აცხადებს საგარეო უწყება.

ანდრი სიბიჰა, თავის მხრივ, წერს, რომ ერევანში კონტაქტების შემდეგ, ქართველ კოლეგასთან დიალოგი გააგრძელა.

„დღევანდელი სატელეფონო საუბრის დროს აღვნიშნეთ ჩვენს ქვეყნებს შორის კონსტრუქციული დიალოგი და შევთანხმდით უკრაინისა და საქართველოს ურთიერთობების ნორმალიზების ორმხრივ ინტერესზე. ვისაუბრეთ ორმხრივ ურთიერთობებსა და საერთაშორისო ორგანიზაციებში ურთიერთქმედებაზე. ასევე, დავადასტურეთ ჩვენი გახსნილობა ორმხრივი თანამშრომლობის წინსვლისა და აქტიური კონტაქტების შენარჩუნების მიმართ“, — წერს სიბიჰა.

მაკა ბოჭორიშვილი და ანდრი სიბიჰა ერთმანეთს მანამდე შეხვდნენ ერევანში გამართულ ევროპული პოლიტიკური გაერთიანების სამიტის ფარგლებში, ისევე როგორც ირაკლი კობახიძე და ვოლოდიმირ ზელენსკი. საუბარი უკრაინული მხარის ინიციატივით შედგა.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.