პარტია „დროას“ ლიდერი, ელენე ხოშტარია რუსთავის ქალთა ციხიდან წერილს ავრცელებს, სადაც ეხმაურება ირაკლი კობახიძის განცხადებას პოლიტიკური დებატების დაბრუნებაზე.
ხოშტარიას თქმით, ერთადერთი საკითხი, რაზეც „ოცნებასთან“ შეიძლება იდებატო, ახალი არჩევნების დანიშვნაა.
„ოცნების“ მორიგი თაღლითური ინიციატივა ვითომ დებატების შესახებ გამოხმაურების ღირსი საერთოდ არ არის, თუმცა ჩვენს მხარეს რამდენიმე გამოხმაურებამ სურვილი გამიჩინა, ჩემი დამოკიდებულება გამეზიარებინა.
ერთადერთი საკითხი, რაზეც „ოცნებასთან“ შეიძლება იდებატო ნებისმიერ ფორმატში- იქნება ეს ღია, დახურული, კრიტიკული თუ არაკრიტიკული ტელევიზია- არის ახალი არჩევნების ჩანიშვნა. ყველა სხვა შემთხვევაში, ყველაზე კეთილშობილურშიც კი, ეს იქნება მათი პოლიტიკურ, მეტ-ნაკლებად ნორმალურ მხარედ აღიარება.
არაღიარების ხაზი ჩვენი, ოპოზიციის, გასავლებია და არა პროპაგანდისტი თაღლითების. თუ დებატი რუსებთან თუნდაც ყველაზე მინიმალურის მომტანია, მაშინ გაუგებარია, პარლამენტში რატომ არ შევედით.
ბოლომდე!“, – აცხადებს ელენე ხოშტარია.