ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

ევროკომისარი გაფართოების საკითხებში, მარტა კოსი 18-20 სექტემბერს სამხრეთ კავკასიას ეწვევა, თუმცა საქართველოში არ ჩამოვა.

მარტა კოსი სამხრეთ კავკასიაში ვიზიტს 18 სექტემბერს აზერბაიჯანში ჩასვლით დაიწყებს, სადაც ქვეყნის ეკონომიკის და საგარეო საქმეთა მინისტრებს შეხვდება.

19-20 სექტემბერს ევროკომისარი შეხვედრებს სომხეთში გამართავს. დაგეგმილია მარტა კოსის შეხვედრა სომხეთის პრეზიდენტთან, პრემიერ-მინისტრთან, ვიცე-პრემიერთან და შინაგან საქმეთა მინისტრთან.

რაც შეეხება საქართველოს, „ქართული ოცნების“ ხელისუფლების პირობებში დემოკრატიული უკუსვლის გამო ევროკავშირმა ქვეყანასთან პოლიტიკური კონტაქტები შეამცირა.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.