Forbes-ის თანახმად, ბიძინა ივანიშვილის ქონება თითქმის განახევრებულია. თუ 2024 წელს “ქართული ოცნების” დამფუძნებლისა და ლიდერის ქონება 4.9 მილიარდ დოლარს შეადგენდა, 2025-ში ეს რიცხვი 2.7 მილიარდია.
ივანიშვილის ქონებრივი მდგომარეობის დინამიკა Forbes-ის სიაში
Forbes-მა მსოფლიოს უმდიდრესი ადამიანების სია ახლახან გამოაქვეყნა. 69 წლის ივანიშვილი 1362-ე ადგილზეა.
მსოფლიოს უმდიდრესი ადამიანი კვლავ ელონ მასკია 342 მილიარდი დოლარით, მეორე ადგილზეა მარკ ზაკერგბერგი (ფეისბუკი) 216 მილიარდი დოლარით.
Forbes-ის სიაში განმარტებული არაა, სად წავიდა ივანიშვილის ქონება.
განსხვავებულ სურათს ვხედავთ კიდევ ერთი ბიზნესგამოცემის, ბლუმბერგის მილიარდერების ინდექსში. ბლუმბერგის თანახმად, ივანიშვილის ქონება 7.35 მილიარდ დოლარს შეადგენს და მსოფლიოში რიგით 421-ე უმდიდრესი ადამიანია.
