ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

გერმანიის ელჩი საქართველოში, პეტერ ფიშერი გამოეხმაურა საქართველოს მე-5 პრეზიდენტზე, სალომე ზურაბიშვილზე თავდასხმას და მას სოლიდარობა გამოუცხადა.

მან TAVairports-ს ჰკითხა, არის თუ არა თბილისის აეროპორტი უსაფრთხო. ამავე პოსტზე გერმანიის ელჩმა მონიშნა ამ სფეროში მომუშავე სხვა კომპანიები, მათ შორის ლუფტ ჰანსა, რომელიც აეროპორტში რეისებს ასრულებს.

“სოლიდარობას ვუცხადებ სალომე ზურაბიშვილს, რომელსაც თბილისის საერთაშორისო აეროპორტში თავს დაესხნენ. ორ დღეში ორჯერ დაესხნენ მგზავრებს თავს მოფრენის დარბაზში. ეს ადგილი უსაფრთხოა? გექნებათ რეაგირება?”, – წერს ფიშერი.

დღეს სალომე ზურაბიშვილს აეროპორტში ტიტუშკები დაახვედრეს, რომლებმაც საქართველოს მეხუთე პრეზიდენტს კვერცხები ესროლეს.

იგივე მოხდა გუშინ, გამთენიისას, როდესაც მიუნხენის უსაფრთხოების კონფერენციიდან საქართველოში დაბრუნებისას გიორგი გახარიასა და ელგუჯა ხოკრიშვილს თბილისის საერთაშორისო აეროპორტში წინასწარ მომზადებული ტიტუშკები დაახვედრეს და კვერცხები ესროლეს. ფაქტის ამსახველი ვიდეო შემდგომში “ქართული ოცნების” პროპაგანდისტებმა გაავრცელეს.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.