თბილისში, დოლიძის ქუჩაზე, ახალგაზრდა კაცი ცეცხლსასროლი იარაღით დაჭრეს. გავრცელებული ინფორმაციით, მას ავტომობილიდან ესროლეს. შემთხვევა დღეს, 26 დეკემბერს მოხდა.
როგორც შინაგან საქმეთა სამინისტროში აცხადებენ, გამოძიება სისხლის სამართლის კოდექსის – 117-ე (4-დან 7 წლამდე პატიმრობა) და 236-ე (2-დან 5 წლამდე პატიმრობა) მუხლებით მიმდინარეობს, რაც ჯანმრთელობის განზრახ მძიმე დაზიანებასა და იარაღის უკანონოდ შეძენა-შენახვა-ტარებას გულისხმობს.
შსს-ს ინფორმაციით, ახალგაზრდის სიცოცხლეს საფრთხე არ ემუქრება.
