ჯონ მაკკეინის ინსტიტუტის განცხადებით, მათი მისია, რომელიც 9-13 დეკემბერს საქართველოში იმყოფებოდა, შეშფოთებულია სახელმწიფოს მიერ ძალადობის გამოყენებით აქციების მონაწილეების მიმართ.
„მისია შეშფოთებულია ძალადობის მასშტაბითა და სისასტიკით აქციების მონაწილეების მიმართ, რომლებიც მშვიდობიანად გამოხატავენ თავიანთ პროტესტს. სასწაულია, ჯერ რომ არავინ მოკლეს, მაგრამ ეს რისკი გაიზრდება, თუ წამება გაგრძელდება. თუ მკვლელობა მოხდება მთავრობის “ტიტუშკების” მიერ, პოლიტიკური გარემო კიდევ უფრო არასტაბილური შეიძლება გახდეს“, — ნათქვამია განცხადებაში.
ასევე, ინსტიტუტი მოუწოდებს აშშ-ის ხელისუფლებას, დაასანქციროს ბიძინა ივანიშვილი და მიიჩნევს, რომ 26 ოქტომბრის საპარლამენტო არჩევნები არ იყო თავისუფალი და სამართლიანი.
