დღეს, 3 დეკემბერს მწერალთა სახლში მისული ქართველი მწერლები, მთარგმნელები და გამომცემლები განცხადებას ავრცელებენ თავიანთი მოთხოვნის შესახებ:
გთავაზობთ მათ განცხადებას:
“მოვითხოვთ, საქართველოს მწერალთა სახლმა შეასრულოს თავისი ინსტიტუციური ვალდებულება, დაუყოვნებლივ გამოხატოს პოზიცია მიმდინარე მოვლენებთან დაკავშირებით და ოფიციალურ ფეისბუკგვერდზე გამოაქვეყნოს შემდეგი განცხადება:
- „სასწრაფოდ გათავისუფლდეს პატიმრობიდან პოეტი ზვიად რატიანი და გადაიყვანონ ის კლინიკაში, რადგან მისი ჯანმრთელობის მდგომარეობა უკიდურესად მძიმეა და სჭირდება გადაუდებელი სამედიცინო დახმარება;
- დაუყოვნებლივ გათავისუფლდეს პატიმრობიდან პოეტი და მასწავლებელი, თორნიკე ჭელიძე;
სოლიდარობას ვუცხადებთ აქციაზე სასტიკად ნაცემ მთარგმნელს, დათა ხარაიშვილს და საპროტესტო აქციების ყველა მონაწილეს, რომელიც ამ დღეებში საქართველოს თვითგამოცხადებული ხელისუფლების ძალადობის მსხვერპლი გახდა. - ვგმობთ საქართველოს კონსტიტუციის დარღვევას და ქვეყნის ევროპული კურსის ღალატს.“
მწერლები, მთარგმნელები და გამომცემლები საქართველოს მწერალთა კავშირის შენობაში დღეს, 3 დეკემბერს, 16.00 საათზე მივიდნენ და მწერალთა კავშირის თავმჯომარე ქეთევან დუმბაძესთან ითხოვდნენ შეხვედრას, თუმცა, უშედეგოდ.
