ჰელსინკის კომისია მორიგ განცხადებას აქვეყნებს საქართველოში მიმდინარე მოვლენების შესახებ.
ახალ განცხადებაში ნათქვამია, რომ „ქართული ოცნების“ მთავრობა არალეგიტიმურია.
„საკმაო მტკიცებულებებია, რომ ოცნებამ მოახდინა არჩევნების შედეგების მანიპულირება ხელისუფლების შესანარჩუნებლად. კონსტიტუციის საწინააღმდეგოდ, ოპოზიციის სრული ბოიკოტისა და პრეზიდენტის თანხმობის გარეშე, ოცნებამ ახალი მთავრობა დანიშნა. შესაბამისად, ეს დე ფაქტო მთავრობა არალეგიტიმურია.
მოვუწოდებთ აშშ-ის ამჟამინდელ და მომავალ ადმინისტრაციას, მხარი დაუჭეროს ქართველ ხალხს დემოკრატიისადა თავისუფლების აღდგენაში. სახელმწიფო დეპარტამენტმა უნდა გადადგას ნაბიჯები პასუხისმგებელი პირების დასასჯელად“, – ვკითხულობთ განცხადებაში.
