“მოქმედების დროა დღეს! საქართველოს უახლესი ისტორია იწერება დღეს! ქართულმა ჯარმა ხალხი უნდა დაიცვას, საკუთარი მოსახლეობა და სამშობლო! ახლა კეკლუცის დრო არ არის. ან ვიბრძოლებთ ჩვენი ხვალინდელი დღისთვის, ან ამ თაობის ქართველებისთვის თავისუფლების კარი ჩაირაზება”, – წერს თინათინ ხიდაშელი და დასძენს:

“ამასობაში ამ ბრძოლას სტრუქტურა და ორგანიზება სჭირდება, არა უბრალოდ ლიდერი, ორატორი, არამედ ორგანიზებული წინააღმდეგობა. ფართო ფრონტი და დისციპლინა. ამ ბრძოლაში გამოიძერწება ქვეყნის ევროპული მომავლისკენ წამყვანი პოლიტიკური ძალა და ლიდერიც!”

• სპეცრაზმი გამთენიისას ფიზიკურად გაუსწორდა ანტირუსული აქციის მონაწილეებს და დაშალა აქცია რუსთაველის გამზირზე, დააკავა მომიტინგეები.
• მოქალაქეები აპროტესტებენ მმართველი პარტიის, „ქართული ოცნების“ გადაწყვეტილებას ევროკავშირში გაწევრების შეჩერების შესახებ.
  ჯერჯერობით აქციაზე დაკავებულების რაოდენობა უცნობია. პოლიციამ აქციის დასაშლელად გამოიყენა წყლის ჭავლი, ცრემლსადენი გაზი და წიწაკის სპრეი, დაშავდნენ მოქალაქეები, მათ შორის ჟურნალისტები.