დონალდ ტრამპმა დაადასტურა, რომ მისი ადმინისტრაცია აშშ-ში არალეგალურად ჩასული მიგრანტების დეპორტაციისთვის სამხედროების გამოყენებასაც გეგმავს.
ტრამპმა ერთი სიტყვით – „სიმართლეა!!!“ – უპასუხა პოსტს, რომელშიც ნათქვამი იყო, რომ მისი ადმინისტრაცია მასობრივი დეპორტაციისთვის სამხედრო ძალის გამოყენებასაც მიმართავს.
ტრამპის ერთ-ერთი საკვანძო დაპირება, როგორც პირველი, ასევე მეორე ვადის დროს, მიგრაციის პრობლემის მოგვარება და ქვეყანაში უკანონოდ მყოფთა დეპორტაცია იყო.
„გარდიანი“ აღნიშნავს, რომ ტრამპის მიერ სამხედროების გამოყენება, პოლიტიკური ოპოზიციის გარდა, სასამართლოში ამ გადაწყვეტილების გასაჩივრებასაც გამოიწვევს.
