საქართველოში გერმანიის ელჩი პეტერ ფიშერი ამბობს, რომ ევროკავშირის წევრობა საქართველოს ეკონომიკას ძალიან წაადგება, მაგრამ საქართველომ უნდა გადაწყვიტოს, სურს თუ არა ევროკავშირის წევრობა.
ამის შესახებ გერმანელმა დიპლომატმა X-ზე დაწერა.
„გერმანიის ეკონომიკური გაერთიანების ბიზნესფორუმზე მე ვთქვი, რომ ევროკავშირის წევრობა საუკეთესო რამ იქნებოდა საქართველოს ეკონომიკისთვის. მაგრამ საქართველომ უნდა მიიღოს გადაწყვეტილება — უნდა ევროკავშირის წევრობა თუ არა. ასევე ვისაუბრე ეკონომიკურ რისკებზე, რასაც არსებული სიტუაცია ქმნის: ფორექსი, საკრედიტო რეიტინგი, შეღავათიანი დაფინანსება, პირდაპირი უცხოური ინვესტიციები, ვაჭრობა, ტურიზმი და ემიგრაცია“, — წერს გერმანიის ელჩი.
At German Business Association 🇬🇪 I said 🇪🇺-membership would be best for 🇬🇪 #economy, but 🇬🇪 has to make up its mind whether it wants to join or not. I also noted econ #risks to 🇬🇪 of current situation: FX, credit rating, concessional finance, FDI, trade, tourism & #emigration. pic.twitter.com/mCmO2G4bW6
— Peter Fischer (@Diplo_Peter) October 15, 2024
გერმანიის ეკონომიკური გაერთიანების ბიზნესფორუმზე, სადაც მონაწილეობდა ელჩი პეტერ ფიშერი, საქართველოს ეკონომიკის წინაშე მდგარი რისკები 10 ოქტომბერს განიხილეს. ფორუმის თემა იყო “საქართველო გარდამტეხ ეტაპზე?“
„ერთ-ერთი მონაწილის შეკითხვაზე, თუ როგორ გამოიხატება ციფრებში საქართველოს მოგება ევროპული კურსის შედეგად, ელჩმა უპასუხა შემდეგი: „ვფიქრობ, ამის გამოთვლა შეუძლებელია, მაგრამ თქვენ შეგიძლიათ მოიპოვოთ მომავალი ევროპის კავშირში, რაც უაღრესად ძვირფასია. თუმცა ასევე შეიძლება, რომ ეს მომავალი დაკარგოთ“, — ნათქვამია საქართველოში გერმანიის საელჩოს მიერ გავრცელებულ ინფორმაციაში.