საქართველოს პრემიერ-მინისტრი ირაკლი კობახიძე ამბობს, რომ 2028 წლისთვის საშუალო ხელფასი საქართველოში 3500 ლარს მიაღწევს.

დღეს, 7 ოქტომბერს, კობახიძემ  „ქართული ოცნების“ საარჩევნო პროგრამის პრეზენტაცია გამართა.

გარდა საშუალო ხელფასის ზრდაზე საუბრისა, პრემიერის განცხადებით:

• პირველ გემს ანაკლიის პორტი 2029 წელს მიიღებს;
• თბილისის ახალი საერთაშორისო აეროპორტი წელიწადში 18 მილიონ მგზავრს მიიღებს;
• 2028 წლისთვის სიღარიბის დონე 4 პროცენტამდე შემცირდება;
• 2028 წლისთვის ეკონომიკა 130 მილიარდ ლარამდე გაიზრდება;
• ასევე 2028 წლისთვის ბიუჯეტი 50 მილიარდ ლარს მიაღწევს და შეიქმნება 200 000 სამუშაო ადგილი;
• ხელოვანების და ხელოვნების მხარდასაჭერად გამოიყოფა 30 მილიონი ლარი;
• მმართველ გუნდს არ მოსწონს აშშ-სა და ევროკავშირთან ურთიერთობების ამჟამინდელი მდგომარეობა და მათი გამოსწორება სურს.