აშშ-ის სახელმწიფო მდივნის, ენტონი ბლინკენის მრჩეველი, ტიმ სალივანი ხსნის, რომ აშშ-ის წარმომადგენლები პრემიერ ირაკლი კობახიძეს ნიუ-იორკში არ შეხვდნენ საქართველოს ხელისუფლების მიერ შიდა არენაზე ანტიდემოკრატიული ნაბიჯების გადადგმის გამო.
სალივანის განცხადებას ჟურნალისტი ალექს რაუფოღლუ ავრცელებს, რომელიც ხშირად უსვამს კითხვებს სახდეპის წარმომადგენლებს საქართველოს თაობაზე.
„გარკვეული დროა, შეშფოთებული ვართ ტრაექტორიით, რომლითაც „ოცნებას“ მიჰყავს ქვეყანა, შორს იმისგან, რაც, როგორც ვიცითი, საქართველოს უმრავლესობას ურს – ინტეგრაცია დასავლეთთან, ევროკავშირთან, პოტენციურად ნატოსთან.
თუ [„ოცნება“] განაგრძობს ანტიდემოკრატიული ნაბიჯების გადადგმას, ჩვენ განვაგრძობთ მათთან ურთიერთობის შემცირებას“, – თქვა სალივანმა.
