ყოფილი პრემიერ-მინისტრი და „ქართული ოცნების“ საპატიო თავმჯდომარე, ბიძინა ივანიშვილი პირველად იქნება პარტიის საპარლამენტო სიაში.
აქამდე „ოცნებამ“ სამ საპარლამენტო არჩევნებში მიიღო მონაწილეობა, მაგრამ პარტიის დამფუძნებელი საპარლამენტო სიაში წარმოდგენილი არც ერთხელ არ ყოფილა.
ივანიშვილმა „ოცნება“ 2011 წელს დააფუძნა და ორჯერ წავიდა პოლიტიკიდან.
პირველად პოლიტიკის დატოვების შესახებ 2013 წელს განაცხადა, როცა პრემიერის პოსტი დატოვა, თუმცა 2018-ში პარტიის თავმჯდომარის პოსტზე დაბრუნდა.
2021 წელს მორიგ ჯერზე განაცხადა პოლიტიკიდან წასვლაზე, მაგრამ 2023 წლის ბოლოს კვლავ დაბრუნდა და „ოცნების“ საპატიო თავმჯდომარე გახდა.
