2024 წლის პარიზის ოლიმპიადის ქართველი პრიზიორები ღირსებისა და გამარჯვების ორდენებზე არიან წარდგენილი. ეს გადაწყვეტილება პრემიერ-მინისტრმა, ირაკლი კობახიძემ და პარლამენტის თავმჯდომარემ, შალვა პაპუაშვილმა მიიღეს.
წმინდა გიორგის სახელობის გამარჯვების ორდენით დაჯილდოვდებიან ოლიმპიური ჩემპიონები – ლაშა ბექაური, გენო პეტრიაშვილი და ლაშა ტალახაძე.
ღირსების ორდენზე წარდგენილი არიან ვიცე-ჩემპიონები – ტატო გრიგალაშვილი, ილია სულამანიძე და გივი მაჭარაშვილი, ასევე ბრინჯაოს მედლის მფლობელი, ლაშა გურული.
გარდა ამისა, ოლიმპიადის პრიზიორები სახელმწიფოსგან ფულად ჯილდოსაც მიიღებენ: ოლიმპიური ჩემპიონები- მილიონ ლარს, ვიცე-ჩემპიონები – ნახევარ მილიონს, ხოლო ბრინჯაოს პრიზიორები კი- 250 ათას ლარს.
აღსანიშნავია, რომ საქართველოს ოლიმპიურმა ნაკრებმა წელს გუნდურ ჩათვლაში ისტორიაში ყველაზე მაღალი, 24-ე ადგილი დაიკავა.
