“ეს ნაბიჯი ფართო შესაძლებლობებს გახსნის შრომის ბაზრის, მომსახურების, ფინანსებისა და ვაჭრობის სფეროებში”.
მისივე თქმით, ევრაზიულ კავშირში შესვლა დამატებით შესაძლებლობებს მისცემს სამხრეთ ოსეთს, მით უმეტეს, იმ პირობებში, რომ მიმდინარე წელს რუსეთის ფედერაციასა და სამხრეთ ოსეთს შორის მოკავშირეობისა და ინტეგრაციის შესახებ შეთანხმება გაფორმდა, რომელიც, მისი განმარტებით, არსებითად ცვლის რუსულ-ოსური ურთიერთობების განვითარების ვექტორს.
“თუმცა სრულმასშტაბიანი ინტეგრაციისთვის ევრაზიულ ეკონომიკურ კავშირში მინიმუმ საჭიროა რუსეთის გარდა კავშირის სხვა სახელმწიფოების მიერ სამხრეთ ოსეთის აღიარება. ვიმედოვნებთ, რომ ასეთი აღიარება შედგება და სამხრეთ ოსეთს ახალ, უნიკალურ საინტეგრაციო სივრცეში გზას გაუხსნის”, – ამბობს რუსეთის სახელმწიფო დუმის წარმომადგენელი
გარდა ამისა, როგორც მოსკალკოვა ამბობს, ეკონომიკურ სფეროში რუსეთსა და სამხრეთ ოსეთს შორის ეფექტური თანამშრომლობისთვის ძალიან მნიშვნელოვანია სატრანსპორტო პრობლემის გადაჭრა, რამდენადაც არსებული ერთადერთი გზა, რომელიც ვლადიკავკაზსა და ცხინვალს აკავშირებს, სავაჭრო ბრუნვის მოცულობის გაზრდის საშუალებას არ იძლევა.
 |
| ||
