ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

ევროპარლამენტის პრეზიდენტად ისევ რობერტა მეცოლა აირჩიეს. ის აღნიშნულ თანამდებობას მომდევნო ორ წელიწად-ნახევრის  განმავლობაში დაიკავებს.

ევროპარლამენტის არჩევნების შემდეგ, პრეზიდენტის ასარჩევად კენჭისყრა სტრასბურგში დღეს, 16 ივლისს, გაიმართა.

მალტელმა პოლიტიკოსმა რობერტა მეცოლამ, რომელიც „ევროპის სახალხო პარტიას“ წარმოადგენს, 562 ხმა მიიღო. მისი კონკურენტი ესპანელი პოლიტიკოსი, ირინე მონტერო იყო, რომელიც ევროპარლამენტში მემარცხენეებს წარმოადგენს. მონტეროს მხარი 61-მა ევროპარლამენტარმა დაუჭირა.

რაც შეეხება რობერტა მეცოლას, ევროპარლამენტის პრეზიდენტის პოსტს 2022 წლის იანვრიდან იკავებდა.

დღეს, კენჭისყრისყრამდე მიმართვაში რობერტა მეცოლამ განაცხადა, რომ „ეს უნდა იყოს ძლიერი პარლამენტი ძლიერ კავშირში“.

„თქვენი მხარდაჭერით, მე გავაგრძელებ დაუღალავად მუშაობას ხალხის გაერთიანებისთვის. ეს უნდა იყოს სახლი, რომელსაც არ უნდა შეეშინდეს ხელმძღვანელობისა და ცვლილებების“, – განაცხადა რობერტა მეცოლამ.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.