ახალი ამბები

გაუგებარი გადაწყვეტილებაა – ჩიქოვანი აშშ-ის მიერ წვრთნების შეჩერებაზე

6 ივლისი, 2024 •
გაუგებარი გადაწყვეტილებაა – ჩიქოვანი აშშ-ის მიერ წვრთნების შეჩერებაზე

თავდაცვის მინისტრის, ირაკლი ჩიქოვანის განცხადებით, მისთვის გაუგებარია, თუ რატომ შეაჩერა აშშ-მ გაურკვეველი ვადით სამხედრო წვრთნები „ღირსეული პარტნიორი“.

„გაუგებარია გადაწყვეტილება, რომელიც კავშირდება „ღირსეული პარტნიორის“ გაურკვეველი ვადით გადადებას. თუმცა, მეორე მხრივ, ხაზს გავუსვამ იმას, რომ ჩვენ, თავდაცვის სამინისტროს და აშშ-ს თავდაცვის დეპარტამენტს, გვაქვს ძალიან ბევრი სხვადასხვა თანამშრომლობის ფორმატი, სადაც ჩვენ ინტენსიურად ვმუშაობთ და ვთანამშრომლობთ და ეს თანამშრომლობა გრძელდება[…]

აქედაბ გამომდინარე ჩვენ ვაგრძელებთ და ასევე ვემზადებით წვრთნებისთვის, რომელიც დაგეგმილი გვაქვს 2025 წელს“, – განაცხადა ჩიქოვანმა.

ამერიკის შეერთებულმა შტატებმა გაურკვეველი ვადით გადადო საქართველოში 25 ივლისი — 6 აგვისტოს შუალედში დაგეგმილი ერთობლივი სამხედრო წვრთნა „ღირსეული პარტნიორი“. როგორც აშშ-ის თავდაცვის დეპარტამენტი აცხადებს, აღნიშნული გადაწყვეტილება მიიღეს ორმხრივი ურთიერთობების გადახედვასთან დაკავშირებით მიღებული გადაწყვეტილების ფარგლებში.

მასალების გადაბეჭდვის წესი