საქართველოს პრეზიდენტი სალომე ზურაბიშვილი უკრაინისა და მოლდოვის პრეზიდენტებს მიმართავს და ევროინტეგრაციის გზაზე მორიგი, მოლაპარაკებების ეტაპის დადგომას ულოცავს.
მისალოც ტექსტს სალომე ზურაბიშვილი „X“-ზე აქვეყნებს.
„უკრაინა და მოლდოვა, გილოცავთ ამ მნიშვნელოვანი ეტაპის დადგომას ევროინტეგრაციის გზაზე.
გულწრფელად ვულოცავ პრეზიდენტ ზელენსკისა და პრეზიდენტ სანდუს ამ მნიშვნელოვანი მიღწევის გამო.
დარწმუნებული ვარ, ევროპელი ქართველი ერი მალე შეუერთდება თქვენს რიგებს”, — წერს სალომე ზურაბიშვილი.
Congratulations to 🇺🇦 and 🇲🇩 on this milestone in your EU integration journey!
Sincere congratulations to President @ZelenskyyUa and President @sandumaiamd on this significant achievement
I am confident the European Georgian nation will join your ranks soon 🇪🇺🇬🇪🇺🇦🇲🇩 https://t.co/0pPzZBzsiM
— Salome Zourabichvili (@Zourabichvili_S) June 15, 2024
ევროკავშირის ელჩებმა უკრაინისა და მოლდოვის გაწევრიანებაზე მოლაპარაკებების ჩარჩო ფორმატი 14 ივნისს შეათანხმეს. ამის შესახებ ინფორმაცია პირველად ბელგიის წარმომადგენლობამ გაავრცელა.
გადაწყვეტილებას აქამდე უნგრეთი ბლოკავდა. უნგრეთის პრემიერმა განაცხადა, რომ მათ მიაღწიეს მოლაპარაკებების ჩარჩოში უნგრეთის პირობების ჩართვას, რაც, პიტერ სიიარტოს თქმით, ეროვნული უმცირესობების შესახებ მოთხოვნებს მოიცავდა.
მოლაპარაკებები უკრაინისა და მოლდოვის ევროკავშირში გაწევრიანებაზე 25 ივნისს, მთავრობათაშორის კონფერენციაზე დაიწყება.
