კვლევის შედეგების მიხედვით, რომელიც ასახავს მოსახლეობის განწყობებს 2015 წლის 8 აგვისტოდან – 10 სექტემბრამდე პერიოდში, ევროკავშირში ინტეგრაციის საქართველოს მთავრობის გაცხადებულ მიზანს 61 % უჭერს მხარს. თუმცა ამ ადამიანების 12 % ევროკავშირთან ერთად ევრაზიულ კავშირში გაწევრიანების მომხრეცაა.
NDI-ის კვლევის მიხედვით, კითხვაზე, უჭერთ თუ არა მხარს ევრაზიის კავშირში გაერთიანებას, გამოკითხულთა 31 %-მა დადებითად უპასუხა.
NDI-იმ ევროკავშირის და ევრაზიული კავშირის მომხრეებს ასევე ჰკითხა, რატომ უჭერდნენ მხარს? შედეგები ასე გამოიყურება:
გამოკითხვა NDI -ის დაკვეთით CRRC -საქართველომ ჩაატარა. კვლევა ჩატარდა 2015 წლის 8 აგვისტოდან – 10 სექტემბრამდე პერიოდში. კვლევის ფარგლებში საქართველოს მასშტაბით წარმომადგენობითი შერჩევის საფუძველზე 4,448 პირისპირ ინტერვიუ ჩაატარეს. კვლევის შედეგების საშუალო ცდომილების ზღვარი არის +/- 3.01%. კვლევა დაფინანსებულია შვედეთის საერთაშორისო განვითარების და თანამშრომლობის სააგენტოს (sida) მიერ.
