ევროპაში მიმდინარე მასობრივ საპროტესტო აქციებს არც ისლანდიელები ჩამორჩნენ და რეიკიავიკში რამდენიმეათასიანი მიტინგი გამართეს. ისინი ეკონომიკური კრიზისის დროს მთავრობის მიერ გატარებულ არასწორ ეკონომიკურ პოლიტიკას აპროტესტებდნენ. მშვიდობიანი მიტინგი აგრესიულ შეხლა-შემოხლაში მას შემდეგ გადაიზარდა, რაც მთავრობის წარმომადგენლები მომიტინგეებთან შესახვედრად გამოვიდნენ. პოლიტიკოსები მალე იძულებული გახდნენ, თავი პარლამენტის შენობისთვის შეეფარებინათ. მომიტინგეების მიერ ნასროლი კვერცხებიდან რამდენიმე პრემიერ მინისტრსაც კი მოხვდა.
