უკრაინის პრეზიდენტმა ვოლოდიმირ ზელენსკიმ ქვეყნის შეიარაღებული ძალების მთავარსარდალი ვალერი ზალუჟნი გაათავისუფლა და მის ნაცვლად ალექსანდ სირსკი წარადგინა.
„უკრაინის შეიარაღებული ძალების მთავარსარდლად გენერალ-პოლკოვნიკი სირსკი დავნიშნე. დღეიდან უკრაინის შეიარაღებულ ძალებს ახალი მმართველი გუნდი ხელმძღვანელობს”, – განაცხადა ზელენსკიმ.
ამ განცხადებამდე ზელენსკი ზალუჟნის შეხვდა.
ცნობები, რომ უკრაინის პრეზიდენტი ზალუჟნის შეცვლას აპირებდა, 2024 წლის დასაწყისშივე გავრცელდა. თავად ყოფილმა მთავარსარდალმა კი რამდენიმე დღის წინ უკრაინის არმიის სამ მთავარ ამოცანაზე ისაუბრა.
