კიევში აშშ-ის თავდაცვის მდივანი, ლოიდ ოსტინი ჩავიდა.
„დღეს აქ მნიშვნელოვანი გზავნილის გადმოსაცემად ჩამოვედი – აშშ განაგრძობს უკრაინის მხარდაჭერას რუსეთის აგრესიის წინააღმდეგ ბრძოლაში, ახლაც და მომავალშიც“, – წერს იგი X-ში.
ოსტინის თქმითვე, უკრაინაში ყოფნისას ქვეყნის ლიდერებს შეხვდება.
აშშ-ის თავდაცვის მდივნის ვიზიტის სხვა დეტალები უცნობია.
ცოტა ხნის წინ აშშ-ში მიიღეს მორიგი მოკლევადიანი საბიუჯეტო კანონპროექტი, რომლითაც იანვრის შუა რიცხვებამდე აიცილეს თავიდან მთავრობის მუშაობის შეჩერება. თუმცა ამავე კანონპროექტში არ არის გათვალისწინებული დახმარება უკრაინისთვის – ამ საკითხზე შეთანხმება აშშ-ში ბოლო ხანია, რესპუბლიკური პარტიის ნაწილის ოპოზიციის გამო უჭირთ.
