სამთვიანი სრული ბლოკადის შემდეგ წითელი ჯვრის შუამავლობით მთიანი ყარაბაღის სომეხი მოსახლეობისთვის ერთდროულად ორი გზით – ლაჩინის დერეფნითა და აღდამის გზით ჰუმანიტარული ტვირთი ჩაიტანეს.
როგორც azatutyun.am წერს, ლაჩინის გზით [ სომხეთთან დამაკავშირებელი გზა, რომელიც აზერბაიჯანმა ჩაკეტა] 23 ტონა სომხური წარმოების ფქვილი, ხოლო აღდამის გზით [აზერბაიჯანის კონტროლქვეშ არსებული გზა] რუსული და შვეიცარიული წარმოების სამედიცინო და ჰიგიენური პროდუქცია შევიდა.
წითელი ჯვრის ინფორმაციით, ჰუმანიტარული ტვირთის შეტანა “დაჟინებული დიპლომატიური ძალისხმევით” იყო მიღწეული.
ამასთან, მთიანი ყარაბაღის დე ფაქტო ხელისუფლების ცნობით, აღდამის გზით შეტანილი ტვირთი [აზერბაიჯანის მიმართ უნდობლობის გამო] მხოლოდ ექსპერტიზის შემდეგ გადანაწილდება.
ამასთან, ჯერ არ არის ცხადი, იქნება თუ არა მსგავსი ჰუმანიტარული აქციები მრვალჯერადი.
