შოვში მაშველებმა კიდევ ერთი ცხედარი იპოვეს. ინფორმაციას შინაგან საქმეთა სამინისტრო ავრცელებს.
უწყების თქმითვე, ამ ეტაპზე ეძებენ 4 ადამიანს. სამძებრო სამუშაოებში კი ჩართულია როგორც ცოცხალი ძალა, ასევე მძიმე ტექნიკა, მცურავთა და კინოლოგთა ჯგუფი.
3 აგვისტოს რაჭაში, შოვში მეწყერი ჩამოწვა, რასაც ადამიანების სიცოცხლე ემსხვერპლა. 16 აგვისტოს საგანგებო სიტუაციების მართვის სამსახურის ხელმძღვანელმა, თემურ მღებრიშვილმა განაცხადა, რომ სტიქიის ეპიცენტრში ძებნის სამუშაოები თითქმის დასრულებული იყო.
