აზერბაიჯანის თავდაცვის სამინისტრო აცხადებს, რომ სომხური მხარე სასწრაფო სამედიცინო დახმარების მანქანებს იარაღისა და საბრძოლო მასალების ყარაბაღში გადასაზიდად იყენებს.
უწყება აცხადებს, რომ ტექნიკური საშუალებების დახმარებით ყარაბაღის ეკონომიკურ რაიონში შეინიშნებოდა სომხეთის დარჩენილი შეიარაღებული ძალების კონცენტრაცია რუსი სამშვიდობოების საბრძოლო მანქანის თანხლებით, რა დროსაც აზერბაიჯანულმა მხარემ კოლონაში დააფიქსირა სასწრაფო სამედიცინო დახმარების მანქანა, რომლითაც იარაღი, საბრძოლო მასალები და ტანკსაწინააღმდეგო ნაღქმები გადაჰქონდათ.
აზერბაიჯანის თავდაცვის სამინისტროს განცხადებით, სომხური მხარე აქამდეც იყენებდა სასწრაფო სამედიცინო დახმარების მანქანებს რადიოელექტრო ბრძოლის საშუალებების დასაყენებლად.
აზერბაიჯანმა სომხეთისა და მთიანი ყარაბაღის დამაკავშირებელი ლაჩინის კორიდორი 2022 წლის დეკემბერს ჩაკეტა. გზის ჩაკეტვის გამო ყარაბაღში ჰუმანიტარული კრიზისია. ეს კრიზისი განსაკუთრებით უკანასკნელ თვეებში გამწვავდა, როდესაც აზერბაიჯანმა გზაზე ოფიციალური გამშვები პუნქტი ჩადგა და წითელი ჯვრის მეშვეობით მხოლოდ მძიმე პაციენტებს ატარებს. ადგილობრივები ამბობენ, რომ პოლიტიკური, სოციალური და ეკოლოგიური პრობლემების პირობებში ყარაბაღში დიდხანს ცხოვრებას ვერ შეძლებენ. რაც შეეხება საყოფაცხოვრებო პროდუქციას სომეხი მოსახლეობისთვის ყარაბაღში, აზერბაიჯანული მხარე აცხადებს, რომ მათ შეუძლიათ გამოიყენონ მარშრუტი აღდამი-ჰანქენდი. ადგილობრივი მოსახლეობა ამბობს, რომ ჰუმანიტარული საჭიროებებისთვის არაფრის ფასად აპირებს აზერბაიჯანის მხარე გადასვლას და სომხეთთან თავისუფალ გადაადგილებას ითხოვს.