აფხაზეთის დე ფაქტო პრეზიდენტის ადმინისტრაციის ცნობით, დეტალური გამოკვლევების შემდეგ, პრეზიდენტ ასლან ბჟანიას მოსკოვის კლინიკაში ოპერაციული ჩარევა დასჭირდა.
უწყების ცნობითვე პროცედურამ წარმატებით ჩაიარა და მის სიცოცხლეს საფრთხე არ ემუქრება, თუმცა კვლავ კლინიკაში დარჩება სარეაბილიტაციო პერიოდის განმავლობაში, რის შემდეგაც რუსეთის ფედერაციაში სამუშაო ვიზიტს გააგრძელებს.
10 აგვისტოს, აფხაზური მედიის ცნობით, რუსეთის ფედერაციაში სამუშაო ვიზიტისას აფხაზეთის დე ფაქტო პრეზიდენტი, ასლან ბჟანია შეუძლოდ გახდა და სამედიცინო დაწესებულებაში გადაიყვანეს.