ჯო ბაიდენის განკარგულების თანახმად, აშშ-ის პრეზიდენტის ადმინისტრაცია სისხლის სამართლის საერთაშორისო სასამართლოს რუსეთის მიერ ჩადენილ ომის დანაშაულთა შესახებ მტკიცებულებებს გაუზიარებს.
ბაიდენის ამ გადაწყვეტილების შესახებ პირველად გამოცემა The New York Times-მა დაწერა.
Reuters-ის თანახმად, მანამდე ამ გადაწყვეტილებას ეწინააღმდეგებოდნენ პენტაგონში. მათ მიაჩნდათ, რომ სასამართლოსთან თანამშრომლობას, შესაძლოა, გზა გაეხსნა ამავე სასამართლოს მხრიდან აშშ-ის იმ სამხედროთა პოლიტიკური ნიშნით დევნას, რომლებიც საზღვარგარეთ მსახურობენ.
ბაიდენის ადმინისტრაციაში ჯერჯერობით არ აკონკრეტებენ პროცესის შესახებ დეტალებს. თუმცა, როგორც პრეს-სპიკერის განცხადებაშია ნათქვამი, უკრაინაში ომის დაწყებისთანავე ბაიდენი მხარს უჭერდა – „უკრაინაში ომის დანაშაულის ჩამდენთა და მხარდამჭერთა პასუხისგებაში მიცემას,“
ჯერ კიდევ მარტში ჰააგის სისხლის სამართლის საერთაშორისო სასამართლომ ვლადიმერ პუტინის დაკავებაზე ორდერი გამოსცა.
პუტინთან ერთად ჰააგის სასამართლომ ორდერი გამოიცა მარია ლვოვა-ბელოვას დაკავებაზეც. ამ უკანასკნელს რუსეთის პრეზიდენტის ადმინისტრაციაში ბავშვთა უფლებების კომისრის თანამდებობა უკავია. პუტინსა და ლვოვა-ბელოვას ბრალი წაუყენეს ბავშვების უკანონო დეპორტაციისთვის უკრაინის ოკუპირებული ტერიტორიებიდან რუსეთში, რაც ომის დანაშაულად მიიჩნევა.
ვრცლად: