მოსკოვში მოქალაქემ ლენინის მავზოლეუმს „მოლოტოვის კოქტეილი“ ესროლა, იტყობინება რუსული მედია.
„ორშაბათ საღამოს დააკავეს კაცი, მას ჰქონდა მოლოტოვის კოქტეილი. გადაიყვანეს პოლიციის განყოფილებაში“, – აღნიშნა „რია ნოვოსტის“ წყარომ.
არსებული ინფორმაციით, „მოლოტოვის კოქტეილი“ ქვაფენილზე დაეცა, პოლიციამ კი დააკავა 37 წლის პირი ქალაქ ჩიტადან. მას ამ ეტაპზე მხოლოდ პოლიციისადმი დაუმორჩილებლობას ედავებიან. სასამართლო მის საქმეზე დღეს შედგება.
