8-9 ივლისს აფხაზეთში მოსულმა ძლიერმა წვიმამ გაგრაში 800-მდე სახლი დატბორა. როგორც აფხაზური მედია წერს, სტიქიის შედეგებს ამ დრომდე ებრძვის ადგილობრივი საგანგებო სიტუაციათა სამსახური – მაშველები შენობებში დაგროვებულ წყალს ტუმბავენ.
უწყების ოფიციალური ცნობითვე, სტიქიამ დატბორა როგორც კერძო სახლები, ასევე, მაღალსართულიანი სახლები და ქუჩები. ასევე, ძლიერი წვიმის გამო დაზიანდა გზები, რკინიგზის ლიანდაგი და 250-მდე ავტომობილი.
დე ფაქტო პრეზიდენტ ასლან ბჟანიას განცხადებით, ძლიერმა წვიმამ, საერთო ჯამში, 1100 შენობა დატბორა, მათ შორის რამდენიმე ადმინისტრაციული და “კურორტი ბიჭვინთა”.