ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

საქართველოს პრემიერ-მინისტრი ირაკლი ღარიბაშვილი უარყოფს აფხაზეთის გავლით რკინიგზის აღდგენაზე რუსეთთან მოლაპარაკებებს.

პრემიერი აცხადებს, რომ ამ რკინიგზის აღდგენა მხოლოდ საქართველოს გაერთიანების შემთხვევაში გახდება შესაძლებელი.

ამის შესახებ მან დღეს, 30 ივნისს, პარლამენტში მოხსენების შემდეგ განაცხადა.

“საუბარია, თითქოს აფხაზეთის რკინიგზის აღდგენაზე მიდის ფარული მოლაპარაკებები და ა.შ. პასუხისმგებლობით ვაცხადებ, ამ საკითხზე არავითარი მოლაპარაკება არ მიმდინარეობს. ჩვენ არავითარი დაფარული დღის წესრიგი არ გვაქვს. თუ რაიმე საკითხზე გვაქვს საუბარი, ყველამ ყველაფერი იცით, როგორც ქვეყნის შიგნით, ასევე მის გარეთ. ასე რომ, აქ კითხვები არ არსებობს.

კითხვა დამისვეს, რა შემთხვევაში შეიძლება გახდეს შესაძლებელი აფხაზეთის რკინიგზის აღდგენაო. ამაზე ერთადერთი პასუხი არსებობს — მხოლოდ ჩვენი ქვეყნის გამთლიანებისა და გაერთიანების შემთხვევაში”, — განაცხადა ღარიბაშვილმა.

აფხაზეთის გავლით სარკინიგზო მიმოსვლის აღდგენაზე განცხადება გააკეთა რუსეთის საგარეო უწყების პრესსპიკერმა, მარია ზახაროვამ. მისი თქმით, რუსეთი “არ იშურებს ძალისხმევას”, რომ სომხეთთან აფხაზეთის გავლით სარკინიგზო მიმოსვლა აღდგეს.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.