ახალი ამბები

სახელმწიფო პროგრამით სამკურნალო იშვიათ დაავადებებს აქონდროპლაზია დაემატა

23 მაისი, 2023 • 913
სახელმწიფო პროგრამით სამკურნალო იშვიათ დაავადებებს აქონდროპლაზია დაემატა

სახელმწიფო პროგრამის ფარგლებში სამკურნალო იშვიათი დაავადებების სიას აქონდროპლაზიის დიაგნოზი დაემატა. შესაბამისი ცვლილება „2023 წლის ჯანმრთელობის დაცვის სახელმწიფო პროგრამების დამტკიცების შესახებ“ მთავრობის დადგენილებაში ცვლილება უკვე შევიდა.

როგორც აქონდროპლაზიის დიაგნოზის მქონე ბავშვების მშობლები აცხადებენ, რომლებიც ამ დიაგნოზის მქონე ბავშვებისთვის მედიკამენტის დაფინანსებას მთავრობის ადმინისტრაციასთან პერმანენტული აქციებით ითხოვდნენ, ცვლილებით მთავრობა აქონდროპლაზიის მქონე ადამიანების მკურნალობაზე პასუხისმგებლობას უკვე ოფიციალურად იღებს:

„აქამდე სულ არსებობდა იშვიათი დაავადებების სამკურნალო სახელმწიფო პროგრამა, რომელშიც აქონდროპლაზია არ იყო შეყვანილი. ახლა უკვე ოფიციალურად შეიყვანეს პრემიერ-მინისტრის განკარგულებით, რაც ნიშნავს იმას, რომ სახელმწიფო ოფიციალურად იღებს პასუხისმგებლობას ჩვენს მკურნალობაზე.

ეს უკვე ნიშნავს იმას, პროტოკოლიც რომ მზად იქნება მაისის ბოლოს და ივნისის შუა რიცხვებში დამტკიცდება, სახელმწიფოს უკვე იმ პროტოკოლის მიხედვით გათვალისწინებული ვყავართ თავიანთი ვალდებულების ფარგლებში რომ აიღონ პასუხისმგებლობა“ — ამბობს დედების აქციის ერთ-ერთი მონაწილე მაკუნა გოჩიაშვილი.

 

მასალების გადაბეჭდვის წესი