თბილისში A კატეგორიის ტაქსები, რომელთა ავტომანქანის ასაკი არ აღემატება 10 წელს, საავტობუსო ზოლებში მოძრაობას პირველი ივნისიდან 20 ქუჩაზე შეძლებენ. ამის შესახებ ინფორმაცია ნეტგაზეთს თბილისის მერიამ მიაწოდა.
A კატეგორია მოიცავს ქალაქში მოძრავ თეთრი ფერის ტაქსებს, რომელთაც აქვთ სპეციალური მანიშნებელი – “ტაქსი თბილისი”. მერიის ცნობით, ასეთი ტაქსი დედაქალაქში სულ 35 000-ია, თუმცა საავტობუსო ზოლებში, ე.წ. ბასლეინებში მოძრაობის უფლება ამ ეტაპზე 3 500 ტაქსის ექნება.
ისინი ე.წ. ბასლეინებზე გადაადგილებას შეძლებენ შემდეგ ქუჩებზე:
- თამარ მეფის გამზირი;
- რუსთაველის გამზირი;
- პეკინის გამზირი;
- მოსკოვის გამზირი;
- გრიგოლ რობაქიძის გამზირი;
- ალექსანდრე ყაზბეგის გამზირი;
- ქეთევან დედოფლის გამზირი;
- ქაქუცა ჩოლოყაშვილის გამზირი;
- ჯავახეთის ქუჩა;
- ვიქტორ კუპრაძის ქუჩა;
- სესილია თაყაიშვილის ქუჩა;
- ნიკოლოზ ბარათაშვილის აღმართი;
- გრიგოლ ორბელიანის მოედანი;
- მერაბ კოსტავას ქუჩა;
- ჟიული შარტავას ქუჩა;
- ანა კალანდაძის ქუჩა;
- მიხეილ თამარაშვილის ქუჩა;
- ზურაბ ანჯაფარიძის (ყოფილი სანდრო ეულის) ქუჩა;
- მირიან მეფის ქუჩა;
- პეტრე იბერის ქუჩა
თბილისის მერის, კახა კალაძის განცხადებით, A კატეგორიის ტაქსები საავტობუსო ზოლში გადაადგილებას ვერ შეძლებენ იმ ქუჩებზე, სადაც საზოგადოებრივი ტრანსპორტი ავტომანქანების საპირისპიროდ მოძრაობს.
