ახალი ამბები

დააკავეს მძღოლი, რომელიც ვარკეთილში მოზარდს შეეჯახა

19 აპრილი, 2023 •
დააკავეს მძღოლი, რომელიც ვარკეთილში მოზარდს შეეჯახა

თბილისში, ვარკეთილში, ავტომანქანა 15 წლის მოზარდს შეეჯახა. მოზარდი დაიღუპა, მძღოლი კი — დააკავეს.

შემთხვევა 18 აპრილის ღამით მოხდა. პირველადი ინფორმაციით, შეჯახების შემდეგ ავტომანქანის მძღოლი ადგილიდან მიიმალა, თუმცა, შსს-ს თანახმად, პოლიციამ დააკავა.

როგორც სამინისტროს პრესსამსახურში “ნეტგაზეთს” ეუბნებიან, გამოძიება სსკ-ის 276-ე მუხლის მეექვსე ნაწილით მიმდინარეობს. ეს გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია.

მასალების გადაბეჭდვის წესი