ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

ნეაპოლში დაიბადა ბავშვი, რომელსაც მშობლებმა ხვიჩა დაარქვეს. ბავშვის მამასთან ინტერვიუს ადგილობრივი სპორტული გამოცემა Spazionapoli ავრცელებს.

ბავშვის სრული სახელია დანიელ ხვიჩა. მისი ორივე მშობელი ნაპოლის საფეხბურთო გუნდის გულშემატკივარია.

„მე ნაპოლის დიდი გულშემატკივარი ვარ და, როგორც მიხვდებოდით, მამაჩემიც ასეთი იყო. 1986 წელს დავიბადე და დიეგო არმანდო მარადონას პატივსაცემად მეც არმანდო დამარქვეს. რაც შეეხება ჩემს პარტნიორს, ეს ჩვენი ერთობლივი გადაწყვეტილებაა“, – ამბობს ჩვილის მამა არმანდო.

ინტერვიუს ბოლოს ის დასძენს, რომ ხვიჩა კვარაცხელიასთან შეხვედრა – „ჩემი პატარა ოცნებაა“.

ხვიჩა კვარაცხელია  ნეაპოლში სათამაშოდ წელს გადავიდა. საფეხბურთო კლუბი ნაპოლი ამჟამად პირველ ადგილზეა და ჩემპიონობასთან ახლოსაა, ხოლო თავად ხვიჩა სამჯერ გახდა სერა ა-ს თვის საუკეთესო ფეხბურთელი. ნაპოლის იტალიის ჩემპიონატი აქამდე სულ ორჯერ მოუგია. ორივე ტიტული დიეგო მარადონას სახელთანაა დაკავშირებული, რომელიც 80-იან წლებში სწორედ ნეაპოლში თამაშობდა.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.